Hontrade International Ṭhazual Lengzem ; Hla thar lan hnem ṭumah David 'Jerusha' No.1

Hontrade International Ṭhazual Lengzem chart-ah hla thar kan hmu nual a, top 10 pawh an insiksawi nual. David Lalremruata chuan a hla hit 'Jerusha' hmangin a ṭum khat nan No. 1 a hauh a, Dj Lalvenhimi chu pahnihnaah a awm ve thung.

David-a hi chart hmasa lamah khan top 3-ah a lang a, tun ṭumah erawh din hmun sang berah a inhlangkai ta a ni. 'Jerusha' tih hla hi ama phuah a ni a, May thla khan tichhuah a ni. Tunlai lengzem hla zingah chuan ngaihthlak hlawh ber a ni mek a, dinhmun sang ber a hauh pawh hi a mak lo. A official music video hi Zonet-ah pekchhuah a ni a, MDM chuan an YouTube channel-ah an upload bawk.

Chart hmasa lama pakhatna Dj Lalvenhimi hian thla hma sa lawk khan 'A pawi emai' music video a tichhuak a, a hit leh pek hle. Chart-ah pawh dinhmun sang ber a hawlh leh hman a, a hmel kan hmu zui zel a nih pawhin a mak lo ang.

Top 5-ah hian Manuna, Mathlenga leh Hlimhlimi te an lang a, Hlimhlimi hi an a hla thar 'Thian Rinawm' a hlawhtlinpui zel. He hla hi lehlin niin, hla leh ngaithlak nuam tak a ni.

Sammy Vangchhia chuan 'Si Ar Te' tih hla hmangin parukna a hauh a, F. Zomuanpuia chuan pasarihna a hauh ve leh bawk. Pakhatna hauh thei hial tura beisei Sangkimi Khiangte chu tun ṭumah hian pariatna a rawn ni nghal a, 'In tello chuan' tih hla ngaithla tawh ten ngaithlak nawn an chak ngei ang. Josephine Lalawmpuii chu 'Ka tan tahna mai maw' tih hla hmangin top 10-ah a inhlangkai a, Aziri chu 'Hmangaihna' tih hla hmangin a sang zual zingah a inhlangkai bawk.