BET Award-ah Kendrick Lamar che ṭha

Kum 2001 aṭang sem ṭan BET Award chu Microsoft Theater, Los Angeles-ah Pathianni khan sem a ni leh ta a, Kendrick Lamar chuan award ngaihlut hlawh pahnih a hum haw.

American rapper Lamar hian Best Male Hip Hop Artist leh Album of the Year a dawng a, mimala langsar ber a ni. Lamar hian a album hit 'DAMN' a hlawhtlinpui zui zel a, tun ṭumah pawh hian Album of the Year hi phu takin a dawng leh ta a ni.

Hetih lai hian Beyonce chu Best female R&B/pop artist atan thlan a ni a, Cardi B chuan Best Female Hip Hop Artist award a dawng bawk. Bruno Mars chuan Best Male R&B / Pop Artist award a la a, a langsar viau bawk.

Best Collaboration atan DJ Khaled feat. Rihanna & Bryson Tiller 'Wild Thoughts' chu thlan niin, Migos chu Best Group atan thlan an ni thung. R&B singer ṭhangduang tak SZA chu Best New Artist atan thlan a ni bawk.

American film direc­tor lar Ava Duvernay chu Video Director of the Year atan thlan a ni a, Best Actress chu Tiffany Haddish a ni.

Best Actor award chu Black Panther star Chadwick Boseman kutah hlan a ni a, Yara Shahidi chuan Young Stars award a dawng ve bawk.

Infiamna lamah basket­ball star LeBron James leh tennis khel thiam hmingthang Serena Wil­liams te an langsar a, Sportsman & Sportswoman of the Year atan thlan an ni.

Black Entertainment Television network chuan music, acting, sport leh entertaiment huang hrang hranga African - Ameri­can hlawhtlingte hnenah award hi kum tin a hlan ṭhin a ni. Show hi Jamie Foxx chuan a host a, Anita Baker hnenah Lifetime Achievement Award hlan a ni bawk.