The Rock leh Gal Gadot chang dun dawn

Dwayne "The Rock" Johnson leh Wonder Woman star Gal Gadot te chu action/comedy film 'Red Notice'-ah an changdun dawn.

American actor The Rock leh Gadot te hi Fast and Furious-ah an lo changdun tawh a, an inkawp leh tur hi en chakawm tawh tak a ni. Anni pahnih hi tunlai film star zingah chuan boruak nei lian ber pawl an ni a, an chan dun tur thu puan a nih pawh hian ngaihventu an tam nghal hle. Hetih lai hian Red Notice hi June 12, 2020-a tihchhuah tur chauh a ni a, nghah rih deuh a la ngai dawn a ni.

The Rock hi kum 2019-a Jumanji film chhuak leh turah a chang leh dawn bawk a, Sony Pictures chuan nakkum kum tawp lam khian tlangzarh an tum a ni.