Box Office ; Jurassic World : Fallen Kingdom a inlar

North American box office-ah roreltu thar an awm leh ta a, chu chu Jurassic World: Fallen Kingdom a ni. He science fiction film/action film hian kar liamta chhung khan $mtd 150 zet a lalut a, sum hailut hnem ber a ni.

Jurassic World hi May 21 khan Spain-ah tlangzah a ni a, khawvel hmun hrang hrangah chhuah chhoh mek a ni. US-ah pawh kar liamta aṭang khan chhuah ṭan a ni a, theatre 4,000 chuangah chhuah a ni leh der tawh. Heta-

ṭanga a sum hmuh hi $150 zet niin, a lakluh belh zel a rinawm.

Chris Pratt leh Bryce Dallas Howard te channa film hi kum 2015 khan tlangzarh a lo ni tawh a, kar khat chhunga sum a lakluh zat chu $mtd 208.8 a ni. Hei hi Jurassic World: Fallen Kingdom hian a la phak lo cheu a, a sum lakluh tawh zawng zawng erawh $mtd 711.5 zet a tling tawh thung. Jurassic World chhuak hnuhnung pahnih hi Universal Pictures-in film a tichhuah tawh zing a, tlangzarh kara sum lalut hnem ber an ni.

Tunlai film chhuak thar zinga en hlawh ber pakhat chu Incredibles 2 a ni. Spanish film director lar J.A. Bayona-a film siam Incredibles 2 hi sum lalut tam pahnihna a ni a,$mtd 80 a lalut. June 5 khan tlangzarh niin, box office aṭanga a sum lakluh tawh zat chu $mtd 288.6 a tling tawh. He film siam nan hian $mtd 200 zet an seng a, a senso hautak ang ngeiin sum pawh a thawk chhuak ṭha hle.

Hetih lai hian tun thla tira tlangzarh crime film Ocean's 8 chu sum lalut tam pathumna a ni a, top 3 te sum lakluh erawh a inthlau hle. Ocean's 8 hian kar liam ta chhung khan $mtd 11.6 a lalut a, Tag leh Deadpool 2 te a khum a ni. Box office-a che ṭha tak Solo: A Star Wars Story leh Avengers: Infinity War te chu sum thawk chhuak hnem zingah an la tel fan a, top 10 huang an chhuahsan thei meuh lo. Infinity War hian khawvel pumah $tld 2 chuang zet a lalut tawh a, film hlawhtlting ber ber huangah a tel der tawh.

Box Office Top 10
1. Jurassic World : Fallen Kingdom - $mtd 150
2. Incredibles 2 - $mtd 80.9
3. Ocean's 8 - $mtd 11.7
4. Tag - $mtd 8.2
5. Deadpool 2 - $mtd 5.3
6. Solo: A Star Wars Story - $mtd 4
7. Hereditary - $mtd 3.8
8. Superfly - $mtd 3.4
9. Avengers: Infinity War - $mtd 2.5
10. Won't You Be My Neighbor - $mtd 1.9