India rama hmun tlawh chakawm zual te

Khawvel ram hrang hrangte hian khualzinten an ram an tlawh a, sum tam tak an lakluh theihna turin ruahmnna hrang hrang an siam ṭhin. Hmun nuam leh tlawh chakawm tak tak awm sa tam tak a awm rualin, siam chawp hmun nuam tak tak a awm bawk. India ramah pawh chutiang chu eng emaw zat a awm a, siamchawp ni lo hmun tlawh chakawm leh mawi tak tak an ni hlawm.

Chung zingah chuan Jammu and Kashmir-a Pangong Tso Lake an tih chu a langsar zinga mi a ni a, J&K chu state mala hmun nuam leh hmingthang ngah ber pawl a ni. Pangong Tso Lake hi Ladakh, Himalayan region-a awm niin, dil hming thang tak a ni. He dil hi India leh Tibet inrina laia awm niin, 60% hi chu Tibet ram chinah a awm a, hmun thengthawnuam tak a ni.

Ladakh-a Nubra Val­ley chu mi hiptu ber pakhat a ni bawk a, a awmna hi sea level aṭanga feet 10,000 zet a ni. Nubra Valley hian Shyok leh Siachen luite a fin a a, 'Moon land' ti hiala an sawi ṭhin a ni. He hmunah vek hian hmun nuam tak Zanskar Valley a awm bawk.

Uttar Pradesh-a Vara­nasi hi mit la tak pakhat a ni bawk a, ‘Banaras’ leh ‘City of lights’ ti hiala an sawi a ni. Kerela-a Alleppey Backwaters te, Valley Of Flowers an tih mai Chamoli District, Uttarakhand a mi te pawh tlawh man hla tur tak a ni.

Heng bakah hian Golden Temple (Punjab) te, Andaman and Nicobar Islands, Dudhsagar Falls leh Dudhsagar Falls (Goa) te chu hmun hmingthang leh tlawh chakawm zual zingah an tel bawk.