Music zirtirtute tan workshop buatsaih

International music exam board, Rock School Limited (RSL) bul­tumin June 25, Thawhṭanni khan Mysti­que, Khatla Aizawl-ah music zirtirtute pualin workshop buatsaih a ni.

He workshop-ah hian music zirtirtu eng emaw zat an tel a, India rama music zirna lar Bridge Music Academy dintu Ritesh Khokhar chuan zirtirna a pe a ni. Ritesh Khokhar hi India Country Manager & Director niin, music leh a kaihnawih thil chi hrang hrang a zirtir a ni.

RSL hi music leh a kaihhnawi thil chi hrang hrang zirna niin, Mizorama RSL representative chu Zothanmawia (Mystique) a ni. An hnuaiah hian - popular piano, acoustic guitar, electric guitar, elec­tronic keyboard, drums, ukulele, vocal, bass guitar, music production, jazz & street dance leh thildang engemaw zat a zir theih a ni.

Mizorama exam centre kal tlangin state chhung leh state ṭhenawm aṭang tein engemaw zatin kumtin exam an hmachhawn ṭhin a ni.