Michael Jackson A thih chamah zahna an hlan

June 25, 2009-a boral Michael Jackson chuan a thih aṭanga kum kua zet a liam hnuah pawh uitu a la ngah hle a, Thawhṭanni khan a thlanah amah ngaisangtu mi tam tak an pungkhawm.

Music khawvel sawi nghing­tu zinga mi Michael Jackson hi mi tam takin a thih chamah hian sunna hun an hmang a, chung zingah chuan a fate pawh an tel. Paris Jackson chuan a pa thlalak ṭhenkhat chu social media lamah a tralang a, a thlanah hun a hmang bawk.

'King of Pop' an tih mai Michael Jackson hi kum 50 mi lek niin a thi a, Forest Lawn Memorial Park, California-ah phum a ni. A thlanah hian amah ngaisangtu mi tam tak chuan zahna pangpar an dah a ni. Supermodel Naomi Campbell pawh chung zingah chuan a tel a, kum 1992-a 'In the Closet' music video-a model-a ṭang hian an thalak dunna ṭhenkhat a pholang ve bawk.