Adele album kan hmu leh dawn

Khawvel huapa lar zaithiam eng emaw zat an awm a, 'top' erawh mi tlem te chauh an ni. Chung zingha chuan English singer Adele pawh a tel a, ani hian album palina tur a buaipui leh mek.

Tum ṭuma mi erawh krismas album a ni dawn a, nakkum kum tawp lama tlangzarh tur a ni. Hemi atan hian studio a luhchilh leh ṭan der tawh a, krismas hla thar a rawn chhawpchhuak dawn a nih hmel hle.

'Hello' singer hian kum 2016 February thla aṭang khan international arena tour a nei a, July 2017 thleng awh tura ruahman a ni. Mahse vocal chord lamah harsatna a tawh tak avangin a a zo fel thei lo a, Wembley-a concert a neih tur pawh cancel a ni. Music lama a kir leh hnuah chanchin duhawm a rawn nei leh nghal a, hei hi fan-te tan chuan thu hriat nuam tak a ni ngei ang.

Adele hian a album '21' kha copy maktaduai 100 chuang zet a hralh a, a album tih chhuah leh turah pawh hian thawhpuia sawmtu an ṭha hnem hle niin an tarlang.