Lemchan lamah Karol G kan hmu dawn

Colombian singer Karol G chu nakkum lamah hian Netflix series lamah kan hmu dawn a nih hmel.

Jimmy Fallon 'The Tonight Show'-a a inlan-naah hemi chungchang hi a sawi chhuak a, kumthar thla hmasa ber, January thla aṭang hian Netflix lamah tihchhuah tur series atan shooting an ṭan dawn tih a sawi.

Kum 30 mi Colombian singer hian kum 2018 khan Latin Grammy Awards-ah Best New Artist award a lo dawng tawh a, studio album pathum lai tlangzarh tawhin kumin March thla khan a album hnuhnung ber KG0516 chu a tlangzarh a ni.