Brit Awards-in nakkum aṭangin Gender bik awm category paih dawn

Brit Awards buatsaihtute chuan nakkum lam aṭang chuan gender bik awm category an siam tawh dawn lo tih an sawi.

Artist ṭhenkhat- Sam Smith leh Will Young-te chuan hemi chungchangah hian ngenna an lo siam tawh a, tuna an kalphung hman mekah hi chuan non-binary artist-te tan hmun a awm lo niin an sawi.

Brist Awards hi kum 1977 aṭanga sem ṭan kha niin an sem tirh aṭangin mipa leh hmeichhe category an siam hrang nghal a, kum 2019 khan hemi chungchang hi a buatsaihtute chuan ennawn lo tiam tawh mah se kumin thleng kha chuan an kalphung ngaiin an la kal a ni.

Dua Lipa leh J Hus-te chu Brit Awards history-a best female leh male artist award dawng thei hnuhnung ber an ni dawn niin a lang ta.

Nakkum February 8 hian London-a O2 arena-ah Brit Awards hi sem a ni dawn a, chumi hunah chuan mipa leh hmeichhe category hran a awm dawn ta lo a ni.