'No Time to Die'-in a tum ram a thleng ta

James Bond film 'No Time to Die' chu hripui len hnua Hollywood film sum lalut tam ber a ni ta

Daniel Craig James Bond film hnuhnung ber, Bond film 25-na 'No Time to Die' chu kumin chhunga Hollywood film sum lalut tam ber a ni ta a, chumai bakah chuan hripui lengin khawvel a tihbuai hnua Hollywood film sum lalut tam ber a ni bawk.

'Fast & Furious 9' chu hripui len hnua Hollywood film sum lalut tam ber a ni ṭhin a, mahse chu record chu rinlawk ang ngeiin tun kar tawp liam ta chhung khan 'No Time to Die' chuan rawn khum tain James Bond film hi sum lalut tam ber a ni ta.

F9 hian kar tawp liam ta thleng khan $721,077,945 a lakluh tawh laiin 'No Time to Die' hian $734,091,693 a lalut tawh a, $tluklehdingawn lakluh tlin tumin he film hi chak takin a tlan zel a ni ber mai.

Hrilen hnua film sum lalut tam ber a ni thei dawn em?
'No Time to Die' hi kumin chhunga film sum lalut tam pathumna a ni mek a, Chinese film tluk loh pahnih a la nei.

Sum lalut tam ber chu 'The Battle at Lake Changjin' niin $889,830,000 a lalut tawh a, a dawttu chu 'Hi, Mom' niin $848,000,000 a lalut ve tawh bawk.

Kumin a ral ṭep a, thla hnih pawh a awm tawh lo. Mahse James Bond film hian kumin chhunga film sum lalut tam ber nih theihna 'chance' a la nei niin mi ṭhenkhat chuan an ngai a, mahse chutiang dinhmun thleng thei tur chuan $mtd 100 chuang fe mai sum a la lakluh a ngai thung.

Kumin chhunga film sum lalut tam zualte chu:-
1 The Battle at Lake Changjin $889,830,000
2 Hi, Mom $848,000,000
3 No Time to Die $734,091,693
4 F9 $721,077,945
5 Detective Chinatown 3 $699,084,069
6 Godzilla vs. Kong $467,863,133
7 Venom: Let There Be Carnage $454,700,066
8 Shang-Chi and $431,334,583
the Legend of the Ten Rings
9 Black Widow $379,631,351
10 Dune $367,192,476