Grammy 2022 nomination list a chhuak; Che ṭha tura rinkai Olivia Rodrigo-i'n Nomination pasarih lai a hmu
Jazz musician Jon Batiste-a'n nomination hmu tam berin 11 lai a hmu
Nakkum January 31, 2022-a Crypto.com Arena, Los Angeles-a neih tur, kumtina sem ṭhin Grammy Awards vawi 64-naa award dawng thei tur nomination list chu Thawhlehni, November 23 khan puan a ni.
Jazz musician Jon Batiste chuan nomination hmu tam berin 11 lai a hmu a, Doja Cat, H.E.R., leh Justin Bieber-te chuan pariat ṭheuh hmu ve bawkin, nakkum Grammy-a che ṭha tura rinkai ber zinga mi, American tleirawl Olivia Rodrigo chuan nomination pasarih lai a hmu ve bawk.
Olivia Rodrigo-i'n ngaihven a hlawh chhan
Kumin aṭangin rimawi khawvelin a hmel hriat ṭan chauh a, chuti chung chuan tawnhriat tam tak nei tawhte ang maiin rimawi khawvelah sulhnu a hnut chhiah ṭha tawh. Kumin chhunga rimawi award eng emaw zatah chawimawina a dawng der tawh a, rimawi chart hrang hrangah a che ṭha viau ṭhin bawk.
Chumai a la ni lo, tunah nominee a nihna pasarih zinga pali hi Grammy 'big four' category an tih ṭhin- album of the year, record of the year, song of the year leh best new artist-te an ni.
Chumai pawh chu a la ni lo, Billie Eilish tih lohah chuan heng category lian palia nomination hmu vek thei naupang ber a ni nghal bawk. Amah ngei pawh hi a lawm hle a niang, Ningani khan Instagram lamah a lawm thu uar taka sawiin,"Kumin chhungin ka duhthusam tam tak thleng dik tawh mah se hei zet hi chu awmze nei lehzual ber a ni ngei ang," tiin lawmthu a sawinaah a ziak tel.
Olivia Rodrigo hian Record of the year, Album of the year, Song of the Year, Best new artist, Best pop vocals album, Best pop solo performance leh Best music video category-ahte nomination a hmu a ni.
Grammy category-ah hian Best Global Music Performance leh Best Música Urbana Album-te telh thar niin, category 86 lai a awm.
Album of the year huang a 'hot'
Nomination hmu tam ber John Batiste leh Justin Bieber-te chu album of the year category-ah an awm ho a, he huangah hian Billie Eilish, Doja Cat, H.E.R, Kanye West, Tony Bennett leh Lady Gaga-te bakah Grammy lama mi thar Olivia Rogrigo leh Taylor Swift-te pawh an awm.
BTS-in nomination pakhat an hmu, ARMY an lawm lo em ni?
American Music Awards lama che ṭha tak, khawchhak lungpui lian Bangtan Boys chuan Grammy Awards 2022-ah nomination pakhat chiah an hmu!
Best Pop Duo/Group Performance category-ah an hla hit 'Butter' chu an lanpui a, hei chiah hi group anga nominee an nihna a ni. Producer of the Year category-ah an member Suga hming chu lang mah se group ang chiah chuan nomination pakhat chiah an hmu.
Hemi avang hian social media lamah an fan-te an lawm lo a, ARMY ho lawm lohna tweet hmuh tur a awm nual. Kumin Grammy-ah pawh khan nomination pakhat chiah an hmu a, chu pawh chu tuna an hmuhna huangah tho hian niin kut bengin an haw a ni.
Grammy Awards 2022 nomination list ṭhenkhat:-
Album of the Year
We Are - Jon Batiste
Love For Sale - Tony Bennett and Lady Gaga
Justice (Triple Chucks Deluxe) - Justin Bieber
Planet Her (Deluxe) - Doja Cat
Happier Than Ever - Billie Eilish
Back Of My Mind - H.E.R.
Montero - Lil Nas X
Sour - Olivia Rodrigo
Evermore - Taylor Swift
Donda - Kanye West
Record of the Year
I Still Have Faith In You - ABBA
Freedom - Jon Batiste
I Get A Kick Out Of You - Tony Bennett and Lady Gaga
Peaches - Justin Bieber feat. Daniel Caesar and Giveon
Right On Time - Brandi Carlile
Kiss Me More - Doja Cat Featuring SZA
Happier Than Ever - Billie Eilish
Montero (Call Me By Your Name) - Lil Nas X
Drivers license - Olivia Rodrigo
Leave The Door Open - Silk Sonic
Song of the Year
Bad Habits - Ed Sheeran
A Beautiful Noise - Alicia Keys and Brandi Carlile
Drivers License - Olivia Rodrigo
Fight For You - H.E.R
Happier Than Ever - Billie Eilish
Kiss Me More - Doja Cat Featuring SZA
Leave The Door Open - Silk Sonic
Montero (Call Me By Your Name) - Lil Nas X
Peaches - Justin Bieber feat. Daniel Caesar and Giveon
Right On Time - Brandi Carlile
Best New Artist
- Arooj Aftab
- Jimmie Allen
- Baby Keem
- FINNEAS
- Glass Animals
- Japanese Breakfast
- The Kid Laroi
- Arlo Parks
- Olivia Rodrigo
- Saweetie
Best Music Video
Shot In The Dark - AC/DC
Freedom - Jon Batiste
I Get A Kick Out Of You - Tony Bennett and Lady Gaga
Peaches - Justin Bieber feat. Daniel Caesar and Giveon
Happier Than Ever - Billie Eilish
Montero (Call Me By Your Name) - Lil Nas X
Good 4 U - Olivia Rodrigo