Adele '30'-in ni thum chhungin record a siam!

Adele chuan a album thar '30 hmangin Taylor Swift-i'n record a lo siam tawh pahnih- kum 2021 chhunga album hralh tam chak ber record chu a khum.

'30' hi kar hmasa Zirtawpni khan Adele hian a tlangzarh a, ni thum chhung lekin Taylor Swift record hi a khum a ni.

American singer Taylor Swift chuan 'Evermore' kha kar khat chhung lekin copy 462,000 a hralh hman a, chu chu US-a album hralh chak record dinglai mek a ni. Mahse khawthlang media hrang hrang tarlan dan chuan Adele hian ni thum chhung lekin a album thar hi copy mtd 500,000 chuang zu han hralh hman a!

Album hralh thei Adele
Nielsen SoundScan-in US-a kum 1991 aṭanga album hralh dan a chhut ṭan hnua album hralh chak ber record siamtu chu Adele hi a ni a, kum 2015-a a tlangzarh '25' kha ni sarih chhung lekin copy 3,378,000 a hralh hman.

'25' kha ram hrang hrangah a hit rem rem hle a, UK, New Zealand leh Canada-ahte pawh ni sarih chhunga album hralh tam ber record chelhtu a la ni reng.