Sunsilk Mega Miss & Mister-ah Mizo pali

India hmarchhaka beauty pageant lian leh ngaihhlut, Sunsilk Mega Miss & Mister 2018 chu Guwahati-ah neih mek a ni a, Mizoram aṭang pawhin mi pali an tel.

He intihsiakah hian hmar­chhak state pariat aṭangin hmeichhia 50 leh mipa 50 an tel a, June 29 & 30 hian Grand Finale neih a ni ang. Naktuk hian Mega Mister North East 2018 thlan hi chu zawhfel a ni ang a, Miss bik hi chu Inrinni hian final a ni ang.

Kuminah hian thupui atan 'Bioderversity for posterity and prosperity' tih thlan a ni a, contestant-te hi Assam State Zoo cum Botany Garden-ah nature learning neih pui an ni.

Sunsilk Mega Miss & Mis­ter thlanna neih mekah hian Mizo pali - KC Lalhmunsiami, Lal­phirthangi, Amos Dawngzela leh C.Lalngaihawma te an tel a ni.

Winner-te hi Dubai round trip baka Sunsilk product international destination shoot leh contract tam tak sign puiin, public management counsellor an ni nghal ang. Pakhatna hi India fashion Industry lian ber Mumbai-a neih ṭhin 'Lakme Fashion Week'-ah a inlan thei dawn a ni.