Princess Diana chungchangah Bryan Adams a insawi fiah
Canadian singer Bryan Adams chuan tun hnai khan Princess Diana nena an inkar a sawi chuak a, ṭhian ṭha tak an nih thu a sawi.
Kum 58 mi Adams hi tun hnai khan 'Watch What Happens Live with Andy Cohen' show-ah a inlan a, hemi chuangchang hi a sawi chhuak a ni. Bryan Adams chuan, "Princess Diana leh Prince Charles te kha ka ṭhian ṭha tak an ni a, a bak engthil mah a awm lo" tiin a sawi.
Prince Charles leh Princess Diana te hi kum 1981 khan an innei a, fa pahnih Prince Harry leh Prince William te an nei a ni. Kum 1996 khan an inṭhen a, Princess Diana hi kum 36 mi lek niin, car chesualah a boral zui a ni.
Diana leh Adams te hian sawizawm an hlawh fo a, kum tam a liam hnuah pawh hei hi a la reh chuang lo a ni. An inkar thu hi Bryan Adams chuan a sawi chiang ta a, ṭhian ṭha tak an ni tih chu a nem nghet ta a ni.