XXXTentacion vui liam a ni ta

June 18-a luxury electric sportscar-a a chuang lai an kah hlum, XXXTentacion chu Nilaini khan vui liam a ni ta.

Amreican rapper hi Nilaini chawhnu lam khanvui liam a ni a, a vuina hmun Florida arena-ah chuan mi tam tak an fuankhawm a ni. A chhungkhat laina leh amah ngaisangtute chuan mittui nen an thlah liam a, a thlalak chuanna ṭhahnem tak an lekchhuak a ni.

Florida Panthers stadium-ah hian mi 8,000 vel zet an pungkhawm a ni. Milar eng emaw zat an inlan. Chung zingah chuan Lil Yachty, Lil Uzi Vert leh Denzel Curry te pawh an tel a ni.

XXXTentacion thih dan hi chhui mek zel a la ni a, rinhleh thilah mi pahnih an man tawh. Kum 22 mi Dedrick Williams chu police ten an lo la tawh a, thu zawh fiah turin an kawl zui a ni.

Hetih lai hian XXXTentacion fan-te tan thulawmawm hriat tur a awm ve leh bwk a, a hla hit 'SAD' chu nimin khan a official music video tlangzarh a ni.