Billboard Hot 100 greatest song of all time The Weeknd 'Blinding Lights'

Canadian singer The Weeknd hla hit 'Blinding Lights' chu Billboard Hot 100 greatest song of all time-ah puan a ni.

The Weeknd-a 2020 hla hit hian 60's hla hit, rock and roll legend Chubby Checker hla 'The Twist' dinhmun a luahlan a, Billboard chart thar ber thleng khan kar 90 chhung chu US single chart-ah he hla hi lang tawhin Spotify lamah phei chuan vawi tluklehdingawn 2.5 chuang zet stream a ni tawh!

Super Bowl halftime show-a a hla sak zingah 'Blinding Lights' hi a tel avangin a lar thar leh hle niin an sawi a, TikTok lamah pawh he hla hi an hmang nasa hle bawk.

'Blinding Lights' hi The Weeknd studio album palina 'After Hours'-a mi kha niin Billboard Hot 100 chart-ah hian kar li chhung lai a tihchhuah hnu lawkah khan pakhatna a ni nghe nghe a, top 5, top 10, top 20 leh top 40-a cham rei ber hla pawh lo ni tawhin tunah chuan top 100-a cham rei ber hla pawh a ni leh tawh.

He hla hi kum 2020 chhunga Spotify-a hla stream tam ber a ni hrim hrim a, nikum chhung ringawt khan Spotify lamah vawi tld 1.6 stream niin he streaming service-a tld 2 stream tlin hmasak ber hla a ni bawk.

Top 10 Billboard top songs of all time:
1 'Blinding Lights' - The Weeknd
2 'The Twist' - Chubby Checker
3 'Smooth' - Santana feat. Rob Thomas
4 'Mack the Knife' - Bobby Darin
5 'Uptown Funk' - Mark Ronson feat Bruno Mars
6 'How do I Live' - LeAnn Rimes
7 'Party Rock Anthem' - LMFAO feat Lauren Nemmett
& Goonrock
8 'I Gotta Feeling' - The Black Eyed Peas
9 'Macarena (Bayside Boys Remix)' - Los Del Rio
10 'Shape of You' - Ed Sheeran