MYC Perhkhuang winner-te leh Sound From the Hills Cherry Bloosom Festival-ah

Mizoram Youth Commission (MYC) leh an official partner North East Wave (NEW) ṭangkawp chuan MYC Perhkhuang winner-te leh Mizoram Cultural band Sound From the Hills-te chu thawhho tirin Cherry Bloosom Festival 2021 , Shillong, Meghalaya-ah a vawi khat nan a tir chhuak.

Anni hi December 7 hian India rama festival ropui ber pawl 'Hornbill' Nagaland-ah pawh an inlan leh dawn bawk. Nakkum lamah pawh hmachhawp hrang hrang an nei nual tawh a, AR Rahman conservatory of music leh Task force for Music and Arts (Tafma) Govt of Nagaland-te nen 'mentorship training' neih an tum bawk a ni.

Kumin Cherry Blossom ah hian Indian Council for Cultural Relations (ICCR) team ang in perform na slot hi an chang a, he hunah hian Satoshi Suzuki, ambassador of Japan chu khuallian a ni nghe nghe.