Gladiator sequel script Ridley Scott kutah

Kum 2000-a tlangzarh Oscar hial dawng thei Gladiator film chhunzawmna chu Gladiator director Ridley Scott chuan a buaipui dawn tih producer zinga mi pakhat chuan a sawi. Gladiator (2000) producer Dough Wick chuan  ComicBook.com hnenah hemi chungchang hi sawiin Ridley chu a phur hle tih leh a sawi a ni. "Thil harsa tak chu a ni a, script buaipui hi a buaithlak hle. Mahse Ridley chuan a buaipui mek a, film-a sim turin a ṭha tawk dawn em tih chu zawhna lian tak  a ni. Chona lian tak pawh a ni bawk," a ti. Kum 2001 Academy Awards-ah khan Gladiator hian award panga lai a dawng a, chung zingah chuan award ngaih hlut Best Picture pawh a tel. Nikum khan producer Walter F. Parkes leh Laurie MacDonald-te chuan a film hmasa  aṭanga kum 25 emaw 30 emaw liam hnu anga chan a nih dawn thu an lo sawi tawh a ni.