Kanye West leh Rihanna te aiin BTS in huhang an ngah zawk!

Lar leh huhang ngah tehna rintlak ber enge tih inzawt ta ila kan chhan­na a in ang lo fur mai thei. Mahse tun lai khawvelah chuan internet hi rintlak tura ngaih a ni a, chutah chuan Korean boy band BTS chuan Kanye West leh Rihanna te aiin huhang an ngah zawk!

Time Magazine chuan khawvela huhuang ngah zual mi 25 an thlan chhuah chu Ningani khan an tarlang leh ta a, music huang­ah chuan BTS hi an thleng sang ber a ni. List-ah hian US President Donald Trump, pop stars Rihan­na leh Kanye West te chu a langsar pawl an ni a, Ameri­can reality show star Kylie Jenner pawh a lang bawk.

BTS thlipui

Korean thlipuiin khaw­vel a nuai a, keini ram thleng pawhin nghawng a nei. 'K-pop' tih ṭawngkam hian engkim a tichhiang a, ṭawngthar a ni tawh lo. Korean boyband lar BTS hi Billboard Social chart-ah kar 89 chhung zet chu top 50-ah an lang tawh a, hei hian an larzia a tilang chiang hle.

An album 'Love Yourself : Tear' pawh Bill­board 200 chart-ah a lang phak a, Billboard Music Award-a perform thei an ni bawk. K-pop thlipui hian khawvel a tuam mek a, American ho pawhin an buaipui ber pakhat an ni der tawh. Internet lamah pawh an thawm a lian a, social media hmangtute mit fukna ber pakhat an ni mek.