Cheryl leh Liam Payne an inṭhen tak tak ta!

An inṭhen, ṭhen leh lo, tih vel a tam hle a nih kha. Tun­ah chuan english singer Cheryl leh Liam Payne te chu an inṭhen fel tak tak ta niin, khawthlang media te chuan an tarlang.

Cheryl leh Liam Payne te hian Pathianni khan an inṭhen thu hi an nem nghet ta a, social media lamah an tarlang ve ve a ni. Kum hnih leh a chanve vel an inzui hnuah ṭhenna biahthu an inhlan ta a ni.

Thuchhuah inṭawm an siamah chuan, "Thutlukna siam harsa tak a ni. Kan tana ṭha tur ber kan ngaituah a, kan inzahsak tawn a ni" tiin, thu­tlukna an siam thu an tarlang. Cheryl hian June 30 khan kum 35 a tling a, a piancham a thlen aṭanga darkar tam pawh a liam hmain an inṭhen thu hi an puangzar zui a ni.

One Direction star Payne leh Cheryl te hian fa pakhat an nei a ni. Thla li chung vel zet chu mipui hmaah an inlan dun tawh loh hnuin an inṭhenthu hi nemngheh ta a ni.