UNESCO world heritage site a pung

June 24-a Manama-a World Heritage Committee, meeting chuan Mexico leh China-a hmun pali te chu UNESCO world heritage site-ah a puang.

China-a hmun hmingthang pathum leh Mexio-a Tehuacán-Cuicatlán Valley chu list-ah hian telh thar a ni. Barberton Makhonjwa Mountains, South Africa ami chu telh thar a ni bawk.

Bahrain-a UN cultural organisation, UNESCO meeting chuan khawvel hmun hrang hranga hmun pawimawh, nihna leh dinhmun pawimawh tak an neih avanga humhalh ngaite chu tun hnai khan World Heritage-ah a lo puang tawh bawk. Chung zingah chuan South Korea-a monastery, Saudi oasis leh Mumbai-a art deco buil­ding te pawh an tel a ni.

UNESCO list-a tel pakhat chu Oman-a hman­laia port city lar Qalhat a ni. Hei hi khawvel hmun dang nena inthlunzawmna pawi­mawh tak niin, lawng chawlhna hmun a ni.

Nagasaki, Japan-a Kristian biak-in, Nokubi Church chu a tel bawk a, he hmun hi Japan rama Kristian sakhua zui khap a nih lai vela sak a ni. He hmunah Japan rama Kristian missionary te hnathawh leh an hnuhmate hmuh tur tam tak a awm a ni.