US president chuh tum lo Oprah Winfrey
American media proprietor Oprah Winfrey chuan kum 2020-a US president thlanna lo awm turah chuh a tum loh thu a sawi a, a nun vaw chhe theitu turah a ngai!
Vogue magazine chuan Oprah Winfrey hi August issue cover girl atan an hmang dawn a, an interview na ṭhenkhat pawh an tarlang.
Kum 64 mi lai ni ve tawh Oprah chuan, "US president thlanna lo awm leh turah chuh ve tura nawrna ka dawng nasa hle. Chutih rual chuan tuna kan politics dinhmun thlir hian chuh chi-ah ka ngai lo va, ka nun min vaw chhe theitu thil niin ka hria," tiin a sawi.
American philanthropist lar Oprah chuan sawizawmin, "Politics hi sumdawn nan chuan a thianghlim lo a ni. A tuinua ka chen chuan min vaw chhe vek ang," tiin a sawi bawk.
Oprah Winfrey hian tun hma aṭangin hmeichhe chawikanna lam a sawi uar hle a, a thusawi avang hian US president hial chhuh ve tura duhtu pawh an tam hle a ni. Mipui duh dan erawh a pawm zawng a ni ve chiah lo a, politics luhcilh a tum loh thu a sawi chiang ta a ni.