Shania Twain-i'n tour chhunzawm dawn

Canadian singer Shania Twain chuan kar leh aṭang khian tour a chhunzawm leh tawh dawn a, US-ah hun a hmang dawn.

Shania Twain hian May thla aṭang khan tour hi a nei ṭan a, an ram khaw­pui hmun hrang hrangah a concert a ni. Hun eng emaw chen a chawlhsan lailawk hnuah a thar thawh leh dawn ta a, inbuatsaihna pawh a bei ngawrh hle. A inbuatsaihna video ṭhenkhat chu social media lamah a tarlang a, fan te an phur tawh hle.

Twain chuan, "Ka phur tawh tak zet a ni, hun rei lo teah intan ka rawn ding chhuak leh dawn e. Lo nghak hram rawh u, a ri tawh lo ang," tiin, fan te a cho phur.

North America lama hun a hman chhung hian Philadelphia, Pittsburgh, New York leh khawpui lian hrang hrangahte a concert dawn a ni.