Khawnglung Run hla phuahtu LT Muana Khiangte a fam ta

Zofate hun tawn zinga hriat hlawh ber pakhat Khawnglung Run thawnthu, hla-a mawi taka phuah chhuaktu LT Muana Khiangte chu July 2, Thawhṭanni zan dar 8:30 khan City Hospital-ah kal ṭhalo vangin a thi. An chenna Serchhip-ah vui a ni.

LT Muana Khiangte hian hla eng emaw zat a lo phuah tawh a, chung zingah chuan Khawnglung Run leh, Sudden Muanga hla te chu mi hriat hlawh zual an ni. Heng bakah hian hla ṭha tak tak a lo phuah nual tawh bawk.

LT Muana Khiangte hi K.Rokima leh Lalneihthangi (Thingsai Lal fanu) te inkarah kum 1956 khan Thingsaiah a piang a, kum 1991 khan S.Vanlaiphai nula C.Lallawmzuali nen inneiin, fa pali an nei. Amah hi Environment & Forest Department-a Statistics Cell-ah Research Officer ni lai a ni.