Katharine McPhee leh David Foster an inhual
American singer Katharine McPhee leh Canadian musician David Foster te chuan Thawhlehni khan an inhual thu an puang.
David Foster leh McPhee te hi kum 2006-a American Idol-ah khan a vawi khat nan an intawng a, Foster hi guest mentor niin, McPhee erawh he intihsiakah hian pahnihna a ni. Nikuma Met Gala-a an intawn leh aṭangin khan an inzui ṭan a, rei rial loin an inhual zui ta a ni.
Hetih lai hian American Idol aṭanga khawvelin a hmel hriat zui tak, kum 34 mi McPhee leh David Foster te hi an kum a inthlau hle. David Foster hi kum 68 mi lai a ni tawh a, nupui pawh a lo nei nual tawh! Hetih rual hian McPhee pawh hian chhuan tur em em a nei bik chuang lo a, nula hnah khat a ni tawh bik lo. Kum 2008 khan Nick Cokas nen an innei a, 2016 khan an inṭhen a ni.
A pasal hual Foster hian nikum mai khan a nupui Beverly Hills star Yolanda Hadid chu a ṭhen a, hemi hma hian midang pa thum a lo ma tawh bawk!