MDM-in mi 17 hnenah royalty sem chuak

Music Domain Mizo­ram (MDM) chuan an libra­ry aṭanga music video hmangtuten an hman man an pek khawm aṭangin May thla chhung khan zaithiam mi 17 hnen­ah royalty an pe chhuak.

Royalty dawngtute hi Hlimhlimi, Ruth CVL Muanpuii, Mawi­tei Ralte, Puipuia, Ma­nuna, Sangkimi Khiangte, Awmtea Polymer, Vta Ralte, Richard Chawngthu, David, Hlutei Hmar, Ngurpuii Chhakchhuak leh Ruth Z. Fanai te an ni. Annni bakah hian Me­lody Gospel Artists, Elixir, Govt. Complex KṬP Female Voice leh Alabas­ta ten an dawng ve bawk.

MDM hian zaithiam­ten an music video aṭang­a hamṭhatna an hmuh theih nan hian hma an la reng a, kum 2013 aṭang khan zai­­thiamte hnenah hian ro­yalty hi an la sem chhuak char char a ni. Hei bakah hian MDM YouTube channel aṭanga an sum hmuhte pawh zaithiamte hnenah hian an sem chhuak ṭhin bawk.