Jumanji 3 chhuak leh dawn

Kum 1995 khan a vawi khat nan Jumanji film chu tih chhuah a ni a, nikum December thla khan Jumanji: Welcome to the Jungle chu tihchhuah a ni leh bawk. A la tawp mai dawn lo a, Jumanji 3 an siam leh dawn.

Fantasy action movie series thar tur hi nakkum kum tawp lama tlangzarh hman tura ruahman a ni. Hemi chungchang hi film director Jake Kasdan chuan tun hnai khan tarlangin, an buaipui leh mek tih a sawi.

A changtu ngai kan hmu leh nual dawn a, American actor Dwayne 'The Rock' Johnson pawh a inlan leh dawn. Ani bakah hian Jack Black, Karen Gillan leh Kevin Hart te pawh an inlan leh dawn a ni.