W10K RUN 2021 kal zelah 'Baking Class' buatsaih

Kumin kumtir lam, March 8-a buatsaih, International women’s day puala W10K RUN 2021 kal zelah Zirtawpni liam taah khan Mizoram State Guest house-ah 'Baking Class' buatsaih a ni.

He hun hi Department of Women and Child Development leh W10K RUN team ṭangkawpin an buatsaih niin baking class-ah hian district tina sorkar scheme hnuaia Swadhar Greh a superintendent-te kalkhawmin F Zosangliani, Bungkawn, Zoey's Cakery chuan cake leh chhang ur mai bakah business management lam training-te a neihpui.

W10K RUN team chuan he baking class hlawhtlinna chhan chu W10K RUN 2021 hlut saka, registration tia, tel saktute mai bakah donation-te thlenga petute vang a nih thu sawiin chung mite chungah chuan lawmthu an sawi a ni. Nakkum lamah buatsaih leh an tum thu an sawi bawk.