'Something from Tiffany's'-ah Zoey Deutch

Reese Witherspoon-i Hello Sunshine leh Amazon Studio-te'n an produce dun tur film 'Something from Tiffany's'-ah 'Why Him?' actress Zoey Deutch chu a chang dawn a, executive producer a ni nghal dawn bawk.

Kum 27-a upa lemchan thiam Zoey Deutch channa tur film hi Malissa Hill novel ziah behchhana siam tur niin, Reese Witherspoon-i Hello Sunshine studio film hmasa ber tur a ni.

He film hi Amazon Prime-ah pek chhuah a ni dawn a, ram hrang hrang 240 vel zeta pek chhuah tur a ni dawn a, Daryl Wein chuan a direct ang.