Skillet album thar nakkum January-ah

Christian rock band Skillet chuan nakkum January 14 hian album thar 'Dominion' an tlangzarh dawn.

'Dominion' hi an studio album 11-na tur ni tawhin kum 2019-a an tlangzarh 'Victorious' hnua an album tihchhuah leh hmasak ber tur a ni.

Lead vocalist leh bassist ni bawk John Cooper chuan an album thar tur chu zalenna lawmna lam a ni dawn tih sawiin hlauhna ata zalenna lam a ni dawn tih a sawi.

Skillet hi Christian rock band hlawhtling ber pawl an ni a, an hla eng emaw zat chu platinum-ah RIAA-in a puang tawh a, Gold-a puan pawh eng emaw zat an nei tawh a ni.