MDM-in YouTube aṭanga an sum hmuh Rs. 32,880 sem chhuak

Music Domain Mizo­ram (MDM) chuan an YouTube channel aṭanga an sum hmuh chhuah, Rs. 32,880 chu a vawi nga-na atan zaithiamte hnenah an semchhuak leh ta.

MDM hian zaithiam te music video chu an YouTube channel-ah an upload sak ṭhin a, heta ṭanga pawisa tlingkhawm­te hi zaithiam te hnenah hian an sem chhuak leh ṭhin a ni. YouTube aṭanga royalty an hmuh hi ṭum li an lo sem chhuak tawh a, tun ṭumah pawh hian zai­thiam eng emaw zat hnen­­ah an pe chhuak leh a ni.

Tun ṭuma pawisa dawngtute hi - Kimkima, Betsy Lalrinsangi, Feli Fanai, Pensy B. Lal­thang­liani, Cindy, Arini, Nunui, Bitei, Zorin­zuali Khiangte, Aziri, R. Lalbiaksanga, Zomuanpuia leh HT Lalthanzami te an ni. Anni bakah hian Ark of Melody, Vohbik leh Seraphic Choir ten an dawng bawk.

Tun ṭumah hian clea­­rance neih nghal niin, MDM YouTube channel-a video dahtu zawng zawngte tan an pawisa thawhchhuah zat en theih a ni. An sum hmuhte hi a bo a bang awm loin a neitu dik tak zaithiamte henah semchhuah ṭhin a ni.