Timberlake-a'n Drake thawhpui a chak

Justin Timberlake chuan Canadian rapper lar Drake chu thawhpui a chak thu a sawi.

American singer leh Drake te hi kum 2013 daih tawh khan an lo thawk dun tawh a, 'Cabaret' track an tichhuak dun a ni. Timberlake chuan thawhpui leh a duh thu hi tun hnai khan a sawi chhuak leh ta a, a thleng ngei angem a hriat loh thung.

Drake hian tun hnai khan a album palina 'Scorpion' a tichhuak a, a boruak len lai tak a ni. Hemi chungchang hi Timberlake pawhin sawi­chhuakin, " He album 'Scor­pion' zet hi chu ka ngaina tak zet a ni. Ziaka engkim chhana a awm ang mai hi a ni e," tiin a dahsang hle. "Thawhdun chungchang kan sawi dun leh tawh bawk a, sawi chuah vek a la rem lo thung," a ti bawk.

Hetiang boaruak a awm mek lai hian Pharrell Williams nen pawh hla thar hla thar an buaipui leh dawn nia sawi a awm bawk.

Timberlake hian a album 'Man of the Woods' pualin tour a nei mek bawk a, tun hnaia concert a neih tur ṭhen­khat chu cancel a ni. Paris, Birmingham, Manchester leh Glasgow-ah te show neih tur a nih laiin ṭhulh a ni a, a chhan erawh tarlan a ni lo thung.