Parema hla te buaipui thar leh a ni

Mizo hla phuah thiam zinga hriat hlawh ber pawl Parema chu he khawvelah awm tawh lo mah se, a sulhnu erawh Zofate tan chhawm nun zel a ni dawn. Parema hla te hi a tam zawk chu sak lar a ni tawh hlawm a, la tihchhuah loh eng emaw zat chu tuai thar leh mek a ni.

Tun hnai khan Parema hla zinga pakhat 'I tello chuan Lalpa' tih chu tih chhuah a ni a, a thih hnua a hla tichhuah leh hmasak ber a ni. Hetianga Parema hla tuar thar leh a ni hi a lawmawm hle a, nakin zel atan pawh a hlu dawn hle a ni.

'I tello chuan Lalpa' tih hla hi Ruatpuii chuan a sa a, fakna hla ngaihthlak nuam leh zirtir nei ṭha tak a ni. A music video hi Zonet local channel lamah en theihin a awm a, Blue Wave Records chuan an YouTube channel lamah an upload bawk.