Victoria & David Beckham an inneih champha vawi 19-na an lawm

English footballer lar David Beck­ham leh Victoria Beckham te chuan July 4 khan an inneih champha vawi 19-na an lawm.

Victoria leh David Beckham te hi kum 1999, July 4 khan an innei a, Nilaini kha an inneih champha vawi 19-na hi ṭhian ṭha leh chhungkhat laina hnai te nen an lawm a ni. Spice Girls member hlui Victoria leh Manchester United player hlui Beckham te hi an lar vet vet hle a, an inneih pawh khan khawvel an deng chhuak hneh hle a ni.

Victoria hian zai chawlhsanin desig­ning a luhchilh a, rin phak bakahin a hlawhtlinpui a ni. Hetih lai hian England captain hlui Beckham pawh a eizawnna lamah a hlawhtling hle a, khawvela club hlun leh lian ber pawh Real Madrid a chhuahsan hnuah Major League Soccer a pan a, hetah pawh hian football chawi­lartu a ni leh thei a ni.

Victoria leh David Beckham te hian fa pali - Brooklyn (19), Romeo (15), Cruz (13) leh Harper kum ruk mi te an nei tawh a ni.