Marvel 'Blade' nakkumah chang ṭan dawn

Marvel film 'Blade' chu nakkum nipuiah an chang ṭan dawn.

Production Weekly-in a tarlan dan chuan Mahershala Ali channa tur 'Blade' film hi nakkum nipuiah hian Atlanta-ah an chang ṭan dawn a, Marvel Cinema-tic Universe (MCU) film tur a ni ang.

'Blade' hi kum 1973 aṭang khan Marvel Comics lamah hmuh tur a awm tawh a, mihring leh vampire hybrid niin kum 1998 leh 2004 inkar khan film pathum lai siam a lo ni tawh a, chung film-ah chuan Wesley Snipes chu 'Blade' lemah hian a chang a ni.

Marvel boss Kevin Feige chuan hman deuh khan MCU-ah Blade chu thar thawh leh a duh thu a lo sawi tawh a, kum eng emaw zat chhung chu Blade chu thar thawh leh an duh tih leh a character chu an ngainat thu a lo sawi tawh.