Off-White founder Virgil Abloh a thi

Louis Vuitton artistic director leh Off-White fashion label founder Virgil Abloh chu Pathianni khan kum 41 mi niin Chicago-ah cancer vangin a thi.

Virgil Abloh thih thu hi a Instagram account kaltlanga puanzar niin,"Kan hmangaih tak Virgil Abloh, pa inpe tak, pasal, fapa, unaupa leh ṭhian ni bawk chu a thi tih hrehawm ti tak chungin kan tarlang a ni," tiin thuchhuah an siam.

Abloh hi kum 2019 aṭang khan cancer chi khat hlauhawm tak leh vang tak 'cardiac angiosarcoma' vangin enkawl a ni a, mahse a natna chungchang hi puanzar a duh lo niin an tarlang.

Fashion industry-a designer huhang ngah ber leh lar ber pawl Abloh hi DJ leh artist a ni bawk a, civil engineering leh architecture-ah pawh degree a nei a ni.

A thih thu puanzar a nih hnu hian mi lar hrang hrangin an ui thu an tarlang nasa hle a, chung zingah chuan John Mayer, Gigi Hadid leh milar tam tak an tel. Abloh hian a nupui Shannon leh a fate pahnih a thihsan a ni.