Enola Holmes 2-a Henry Cavill channa tur an shoot zo tawh

'Enola Holmes 2'-a Henry Cavill channa tur an shoot zo tawh a, hemi chungchang hi social media-ah a tarlang a ni.

Kum 38-a upa lemchan thiam Henry Cavill hi he film-ah hian Sherlock Holmes lemah a chang leh dawn a, Millie Bobby Brown chu Enola Holmes lemah a chang ve leh dawn bawk.

'Enola Holmes 2' hi Harry Bradbeer chuan a direct leh dawn a, Nancy Springer lehkhabu behchhan bawkin an siam leh dawn bawk. Bradbeer hian a hmain Enola Holmes lehkhabu paruk chu film-a siam vek a beisei thu a lo sawi tawh nghe nghe.

He film hi Netflix lama pek chhuah tur a ni leh dawn a, nakkum lama tlangzarh hman ngei an tum a ni.