FIFA World Cup 2018 Vanduai leh vannei an awm a ngai si!
A thlengtu Russia pawhin an pasalṭha chhuanvawr te hun tawn chu mittui nen an thlir liam a ngai a, mikhual team fan te lawm avangin an zuang thung! FIFA World Cup 2018-a inlan ram 32 zinga team pali chiah an dam tawh a, England, Croatia, France leh Belgium fan te Russia-ah an cham a la ngai a, sum tam tak an sen tawh bawk avangin nomawi nena haw an duh ngei ang.
He ennawm ropui hi mitin ngihven a ni a, milar te pawhin an ram pasalṭha te an lawmpui thu an sawi. English singer - Liam Payne, Dua Lipa leh Paul McCartney te chuan Sweden laka hnenna chanh an ram team an lawmpui thu an sawi.
Croatia ram chuan a thlengtu Russia hnehin final luh an hnaih zel a, an inkhel hi an ram president Kolinda Grabar-Kitarovic chuan a hmunah a ṭawiawm a ni.