Bethsy-i'n Canada-ah Rawngbawlna nei mek

Gospel singer Bethsy Lalrinsangi chuan Canada-ah rawngbawlna a nei mek a, August thlaah a lo kir leh ang.

Bethsy-i hian June 25 khan India chhuahsanin North America lam hi a pan a, hmun eng emaw zatah rawngbawlna hi a ṭan tawh a ni. Canadaa-ah hian Vancouver, Winnipeg, Toronto, Ottawa leh Calgary-ah te rawngbawlna nei turin ruahmanna siam niin, beisei anga a kaltluan chuan August thlaah a lo let leh hman dawn a ni.

Canada-a Zo hnahtlak te chuan Bethsy Lalrinsangi hi an chah thla a, kohhran hrang hrang tlawh kualin hun a hmang dawn a ni. A rawngbawlna hian hlut a hlawh hle a, sawmna pawh a dawng hnem hle a ni.

Bethsy-i hian khawvel ram hrang hrangah rawngbawlna a nei nasa hle. USA leh Austra­lia bakah, Europe ram - Germany, Norway, Switzerland leh Denmark-ah te pawh rawngbawl­na hi a lo kalpui tawh a ni. Heng bakah hian Malaysia, Singapore, Yangon leh Bangladesh-ah te pawh rawngbawlna hi a lo nei tawh bawk.