Justin Bieber leh Hailey an inhual?

Canadian pop star Justin Bieber leh American model Hai­ley Baldwin te chu Inrinni khan an inhual niin, khawthlang media te chuan an tarlang.

Kum 24 mi Bieber leh Hailey (21) te hian Inrinni tlai khan Bahamas resort-ah zanriah an kil dun a, an inhual ta a ni. He hmuna awm ve te pawh thla an lak loh nan security staff te chuan an phone an dah tir vek niin an tarlang.

Bieber leh Hailey te inzui thu hi tun hnaiah mipui nawlpuiin an hre chauh a, an inzui aṭanga rei lo teah an inhual thu a thang leh ta a ni. Chutih rual chuan kum 2009 vel daih aṭang tawha inhria an ni a, sawi zawm pawh an lo hlawh fo tawh a ni.

May thla vel khan an inzui tih tawm a awm leh ṭan a, tun hnaiah phei chuan mipui hmuah pawh an inzui chhuak nasa hle a ni. An inhual thu hi a darh chak hle a, mahse anmahni lam chuan thuchhuah an la nei lo thung.

Hetih lai hian Bieber-a chhung­te pawhin an lawmpui thu an sawi tawh a, Jeremy leh Pattie Mallette te hian social media kaltlangin an lawmpui thu an tarlang a ni.

Hailey Baldwin-i pa Stephen Baldwin pawhin a lawmpui thu a tarlang ve bawk a, hengte avang hian a chiangah a ngaih theih a ni. Fan te pawh an thu hriat hian a tiphur hle a, an chawtui ber pakhat a ni mek.