Kumina Apple Music-a hla stream tam ber BTS 'Dynamite'

Bangtan Boys 'Dynamite' chu kumin chhunga Apple Music-a khawvel ram hrang hrang aṭanga an hla stream tam ber a ni.

Thawhlehni khan Apple Music chuan Top 100 Streamed Songs chart an tarlang a, chutah chuan K-pop superstar hla hit 'Dynamite' chu pakhatna a ni. He hla hi nikum August-a an tlangzarh kha niin an tlangzarh karah khan Billboard Hot 100-ah topper a ni nghal a, BTS hla, Hot 100 chart No.1 hmasa ber a ni nghe nghe.

October thla khan he hla hi RIAA chuan triple-platinum-ah a puang nghe nghe a, BTS hla triple-platinum thleng hmasa ber a ni.

Apple Music hian tuna an chart tihchhuahah hian nikum October 16 leh kumin October 15 inkara hla stream tam an en a, Olivia Rodrigo 'Drivers License' chu pahnihna niin Ariana Grande 'Positions' chu pathumna a ni ve bawk.

'Dynamite' vang hian BTS hian Grammy Awards-a an nomination hmasa ber hmel an hmu a, a music video pawhin April thla khan thlirtu tluklehdingawn a nei tling daih tawh a ni.

2021 Apple Music Most Streamed Songs Top 5:-
1 Dynamite BTS
2 Drivers License Olivia Rodrigo
3 Positions Ariana Grande
4 For The Night Pop Smoke
(feat. Lil Baby & DaBaby)
5 Blinding Lights The Weeknd