People's Choice Awards-ah Kim Kardashian-i'n Fashion Icon dawng dawn

'Keeping Up With The Kardashians' star Kim Kardashian chu karleha sem tur People's Choice Awards-ah Fashion Icon chawi-mawina hlan a ni dawn.

NBC Universal Entertainment Television leh E! News executive Jen Neal chuan kum 20 dawn chu Kim Kardashian West style inthlak danglam vel chuan khawvel pum huapin nghawng neiin trend a siam tawh tih sawiin, fashion industry-ah chuan mi pawimawh tak a nih thu a sawi a, chawimawi hun an nghakhlel tawh hle tih a sawi bawk.

Fashion Icon chawimawina a dawn dawn bakah hian kum 41 mi Kim Kardashian hi Reality TV Star of 2021 leh Social Star of 2021-ahte nominee a ni a, heng category-ah hian a laizawn Kylie Jenner hming pawh a lang.

Kim hian kum 2019 khan shapewear brand lar tak 'Skims' chu a tlangzarh a, tunhnai lawk khan Rihanna Fenty company-te nen pawh an thawkho nghe nghe.

People's Choice Awards hi December 7 hian Barker Hangar, Santa Monica, California-ah sem a ni ang.