Rolling Stones leh Universal ten inremna pawtsei

English rock band lar The Rolling Stones leh Universal Music Group te chuan inremna an lo neih tawh sa chu pawhsei a nih thu an puang leh ta. He inremna hian music leh a kaihnawih thil chi hrang hrang a huam dawn a, a rei zawng tarlan a ni lo thung.

UMG chairman leh CEO ni bawk Sir Lucian Grainge chuan,"Khawvel huapa rock band lar nena inremna kan siam theih hi kan lawm tak zet a ni. Anni nen hian kan lo thawk ho tawh a, huang zauh zel turin inremna kan siam leh ta a ni" a ti.

UMG hian Rolling Stones te project chu an label kaltlangin an tichhuah sak dawn a, a thehdarh leh tihlar hna an thawkdawn bawk a ni.

Rolling Stones mana­ger Joyce Smyth pawhin Universal nena inremna an siam leh thei ta chu music ngainatute tan chanchin lawmawm tak a nih thu a sawi ve bawk. An inremna kimchang hi tarlan a ni lo thung.

English rock band lar hian reh hlen mai an la tum lo hle a, tun nipui chhung pawh hian concert an neih tawhna hrang hrangte chu film-a tihchhuah an tum nia tarlan a ni.