Halle Berry leh NETFLIX-te'n inremna ziak

Halle Berry leh Netflix chuan film eng emaw zat siam turin inremna an ziak.

Academy award hial pawh lo dawng tawh Halle Berry hian Netflix an hian 'Bruised' chu siam tawhin he film-ah hian a chan bakah a direct nghal a, entu pawh an tamin Netflix film hlawhtling ber pawl a ni. Hemi avang pawh hi a ni mahna Netflix lam hian inremna thar an ziahpui ta a ni.

Kum 55 mi lemchan thiam Berry chuan thuchhuah a siamah,"Ka film direct hmasa ber 'Bruised' kha a ṭha hle a, Scott (Stuber) leh Ted (Sarandos) (CEOs of Netflix)-te chuan ṭha takin an buaipui dawn tih ka hre sa a ni.

"Netflix team-te hi thawhpui an nuamin an creative-a, thawhpui pawh an nuam hle. Film dang eng emaw zata kan thawkdun leh tur hi ka lawm hle," tiin a sawi.