Mizo Film Award sem hun tur a hriat ta

Tlau Entertainment buatsaih Mizo Film Award sem hun tihchhian a ni ta - December 18, 2021 (Inrinni) zan hian Vanapa Hall-ah sem a ni ang.

Mizo Film Award 2021-ah hian category hrang hrang eng emaw zat a awm dawn a, karleh lamah nomination hi puan a ni ang. Tunlai Mizo film lar ber berte chu award dawng thei tura chhawpchhuah an ni dawn. Mipuiin an duh zawng vote hmangin an thlang thei dawn bawk.

Film lama tui mite tan hun 'special' bik a ni dawn tih a chiang a, Hollywood leh Bollywood-te nen khaikhin rual la ni lo mah se, Mizo film industry-in nasa takin hma a sawn tih hai rual a ni lo. An tha leh zung, ngaihtuahna tam tak senga film siamtute leh a changtute tana platform buatsaih a ni tur hi Mizo film industry tana thu lawmawm a ni ngei ang.

Mizo film star lar Rosangpuii chuan, "Hetianga film siamtute leh a changtute tana award buatsaih a ni tur hi a lawmawm a, a phurawm tawh tak zet. Helama inhmangte pawh a tihphur zual ngei ka beisei a, chhunzawm zel atan pawh a ṭhat ka ring. Mizo film industry-in hma a sawn zel avangin ṭhalai tam zawkin luhchilh thei ila a duhawm hle bawk," tiin a sawi.

Award semna programme hi local TV-ah live-a pekchhuah a nih dawn bakah, YK Official YouTube channel-ah live-a pek chhuah a ni ang.