SSU state level High School Quiz competition zanin aṭangin

Students' Self-Support Union (SSU) General Headquarters leh WSSO, PHED, Govt. of Mizoram ṭangkawp-in a buatsaih 'Water & Sanitation Chal-lenge High School Quiz Competition 2021' chu zanin hian an buatsaih dawn.

November 20 khan district hrang hrang inelna an lo nei tawh a, Aizawl district-a tiṭha palite leh heng district hrang hrang inelnaa winner leh runners-up-te hian state level quiz competition hi an hmachhawn dawn a ni.

Zanin hian State Level hi Ignite Studio-ah neih a ni dawn a, dar 8-a ṭan tur niin December 11 thleng inelna hi an nei dawn a, LPS Vision, Zonet leh Youtube Ignite Studio Channel-ah te Live-a pêk chhuah a ni dawn bawk.

Water & Sanitation Challenge High School Quiz Competition 2021' pakhatna hian Rs. 50,000 an dawng dawn a, Pahnihnain Rs. 30,000, Pathumnain Rs. 20,000 an dawng ang. State level-a Participant-te hian Participation Prize - Rs. 5000 ṭheuh an dawn dawn bakah TA/DA an dawng tel bawk ang.

A hmuna chhimtute leh TV lama lo thlirtute tan zantin zawhna chhan tur a awm dawn a, hei hian lawmman ṭha tak a keng tel dawn bawk a ni.