Mid-Year chart-ah Ed Sheeran 'Perfect' a hit ber

Nielsen Music chuan Mid-Year Chart an tichhuak leh ta a, Ed Sheeran-a hla hit 'Perfect' chu kum chanve chhunga hla ngihthlak hlawh ber a ni.

Mid-Year Chart hi radio kal tlanga mipuiin an ngaihthlak tam dan behchhana siam niin, YouTube-a entu ngah leh Billboard chart-a che ṭha tihlam a ni lo. Hei hian hlutna tak a nei thung a, an hla hi a lar tawk hle tihna a ni. Top 10-a langte hi chu social media lamah pawh an lar tawk hle tih a hriat theih a, a lang te pawh hi an hrawl hlawm hle.

English singer Ed Sheeran-a hla 'Perfect' hi kum chanve chhungin mi vaibelchhe 2.86 chuangin an ngaithla hman a, a turu rem rem hle. Ed Sheeran hi Billboard chart lamah pawh a che ṭha hle a, tunlai zaithiam zinga boruak nei lian ber pawl a ni.

Pahnihna hauhtu chu Bebe Rexha & Florida Georgia Line te an ni a, an hla hit 'Meant to Be' chu vaibelchhe 2.29 zetin an ngaithla ve bawk. Bruno Mars & Cardi B te chuan kum ṭha an hmang zui zel a, Junuary thlaa an an tichhuah 'Finesse' chu thla ruk chhung lekin vaibelchhe 2.14 chuangin an ngaithla a ni.

Camila Cabello hla hit 'Havana' chu ngaithla­tu tam lamah palina a ni a, he hlaah hian Young Thug chu a thawhpui a ni. Zedd, Maren Morris & Grey te hla 'The Middle' chu top 5-ah lang bawk.

Top 10-ah hian Drake hla hit 'God's Plan', English singer Dua Lipa hla thulkhung 'New Rules' leh Camila Cabello 'Never Be the Same' te chu an langsar viau bawk.