One in Christ hla thar 'Hriselna'

One in Christ chuan tunlai hripui leng Covid-19 vanga buaina hrang hrang thleng denchhenin hla thar 'Hriselna' an tichhuak.

He hla hi Sanglianthangate band 'The Crusaders' pawhin an lo sak tawh ṭhin kha niin an bassist R Lalropuia phuah a ni a, OiC leader Alvin-a chuan an member boral ta Ruatdiki'n a kalsan hnua an project hmasa ber a nih thu Vanglaini a hrilh.

Music Video chu Hebron Pictures kut chhuak a ni a, Andrew Vanchhawngin music a siam sak a, ASAFA Studio-ah recording an ti bawk a ni. 

'Hriselna' hi Zonet leh MDM lamah an dah tawh a, Zonet lamah chuan kan thlir theih thuai a rinawm a, YouTube lamah pawh thlir theih turin an dah chhuak thuai dawn bawk a ni.