Jaui'n ram hmangaih hla a tichhuak

Zaithiam piah lama performer ṭha tak ni tel bawk Jaui chuan Pathianni khan ram hmangaih hla thar ṭha tak 'Din Thar Leh Nan' chu a tichhuak a, a YouTube channel-ah thlira ngaihthlak theih turin a dah.

Nimin YMA Day pual ni pahfawmin a urlawkna turin Pathianni zan khan a hla thar ṭha tak mai hi a tichhuak a, he hla hi  Zoramliana (Rampuia) phuah niin music hi Hope Music kut chhuak a ni. A video pawh hmuh a nuam hle a, Cassettes 'Inkar' music video mawi taka siam saktu Reuben Lalmalsawma kutchhuak a ni.

    Video-ah hian zalen taka hun kan hman lai leh hrilen vanga inkharkhip hnua Aizawl khawpui danglam dante hmuh tur a awm a, mit a tlai hle. Jaui zai ngainatute chuan a zaithiam zia an hrechiang awm e, 'Din Thar Leh Nan' pawh hi a sa nalh lehpek hle a, hla lungkuai tak niin Jaui hian a hla mawina a sa chhuak hneh hle.

"Kan hun tawn kan hre vek a, Zofa lungduhtu zawngte, insela khua tlai ai chuan, duhsak takin, inhmangaih tak leh inpawisa tawn takin he kan hun khirh tak hi paltlang i tum ang u aw," tiin Jaui hian YouTube-ah a ziak tel a ni.

Tunhnaiah mi hla a cover-na video a tichhuak zeuh zeuh a, tunhma deuha Blue Corn-in an lo sak tawh 

ṭhin 'Kumtluang Atan' leh Rebecca Saimawii hla 'Nang ka thlang ber che' te chu tunhnai khan a tichhuak thar bawk a, YouTube lamah pawh thlir a hlawh hle a ni.